古诗《风》2016年秋季人教版小学一年级语文上册 改编 麦小姐 朗读 岑然周

古诗《风》2016年秋季人教版小学一年级语文上册     

改编   麦小姐  朗读    岑然周

风

【唐】李峤

解落三秋叶，

能开二月花。

过江千尺浪，

入竹万竿斜。

译文：

吹落秋天金黄个叶瓣；又好吹开春天艳丽个鲜花。

从江面刮过，兴起千尺巨浪；吹进竹林子里向，让万根竹头侪倾斜。

注释

解：吹落，散落。《淮南子·时则训》：“季夏行春令，则谷实解落。”解：解开，搿搭是吹个意思。

三秋：秋季。一说指农历九月。

能：能够。

二月：农历两月份，指春季。

过：经过。

斜：倾斜。

简析：

搿是首描写风个小诗，是从动态角度，对风个特征做出个一种理解。

假使拿诗题遮脱，整首作品就变成了一则谜语，搿点正好是搿首诗个巧槛。风是无形个，又是实在个，我尼虽然看伊勿出，却好觉得着伊个流动脱力量。秋风扫落叶，春风催百花，激千浪，斜万竹。看勿见、摸勿着、闻勿出个“风”，辣作者个简笔下头，像煞一记头变得触手可及、气息相闻了。

赏析：

空气流动行成风，无色无相。但伊又是有形个，微风过处，小草朝路过个人笑眯眯点头，花随心所欲婷起舞，炊烟从半空朝四围飘散，极极细个柳条，摆荡间，如拂尘，轻轻叫掸净游子个乡愁。

风有伊自家个情绪。当伊开心个辰光，往往跟细雨为伴，春天来临，风过千山秀，“剪”出无限二月景，吹醒冬眠个草木，送来翩飞个燕群，万物更新，生机勃勃；当伊光火个辰光，飞啸过江面，激起狂 46 32088 46 14939 0 0 834 0 0:00:38 0:00:17 0:00:21 2787漫天。搿副场面，又有苏轼个《赤壁怀古》可以来证明：乱石穿空，惊涛拍岸，卷起千堆雪；等到伊难过个辰光，会发出“呜里呜里”个声音，似悲鸣，又像哭诉，让听者也为之动容。

风个“面孔”千变万化，歇歇温柔歇歇强悍，歇歇，又敏感多情。风是我尼个朋友，同时也带得来无穷个灾祸，真真叫人“一分爱”、“两分恨”、再加“三分吓”。

作者简介：

李峤(公元644年~713年) ，唐朝诗人，字巨山，赵州赞皇（今河北）人。李峤对唐代律诗忒歌行个发展，有一定个作用脱影响。伊朝前忒王勃、杨炯相接，又忒杜审言、崔融、苏味道并称“文章四友”。